Италиянинг «Милан» клуби собиқ сардори Давиде Калабрия учун А Сериянинг бир йўла учта клуби курашга киришишга тайёр. Футболчи «Панатинаикос» сафида тўп сурган Греция чемпионатидан ҳафсаласи пир бўлган ва Италияга қайтишни хоҳламоқда. Унга «Кальяри», «Лацио» ва «Болонья» клубларидан қизиқиш бор. Таклифларнинг ички тафсилотлари ҳозирча ошкор қилинмаяпти, дея аниқлик киритади Sport Mediaset.
Қайд этиш жоизки, Калабрия фаолияти давомида «Болонья» шарафини ҳимоя қилишга улгурган ва ҳатто 2025 йилда жамоага Италия Кубоги финалида «Милан»ни мағлуб этиб, бош совринни қўлга киритишда ёрдам берган эди. Бироқ у энг катта ютуқларига айнан «Милан» таркибида эришган — шу жумладан, 2022 йилдаги А Сериянинг шонли чемпионлиги ҳам айнан «россонерилар» сафида қўлга киритилган.
