«Кристал Пэлас»нинг таянч ярим ҳимоячиси Адам Уортон яқин вақт ичида «Челси»га кўчиб ўтиши мумкин. Бу ҳақда собиқ агент, ҳозирда эса журналист сифатида фаолият юритаётган Жон Хэрриотт хабар бермоқда.

Манбанинг таъкидлашича, «Челси» Адам Уортоннинг трансфери бўйича 86 миллион евролик келишувга эришишга жуда яқин турибди. Миш-мишларга ишонадиган бўлсак, футболчининг ўзи ҳам катта клубда тўп суриш иштиёқида бўлгани учун «Челси»га ўтишни хоҳламоқда.

Шу билан бирга, «бургутлар» «Челси» билан ҳимоячи Аксель Дисасининг 23 миллион евролик трансфери бўйича ҳам музокаралар олиб боришмоқда, бироқ бу келишув Уортоннинг трансферига ҳеч қандай алоқадор эмас.

Якунланган мавсумда Уортон барча мусобақаларни инобатга олган ҳолда 53 та ўйинда майдонга тушиб, 1 та гол урди ва 7 та голли узатмани амалга оширди.