Ўзбекистон миллий терма жамоасининг собиқ ҳимоячиси Виталий Денисов ЖЧ-2026даги миллий жамоа иштироки ҳақида фикр билдириб, Португалияга қарши учрашув олдидан ўз муносабатини билдирди.
«Португалияга қарши баҳсда Ўзбекистондан Конго ДР терма жамоаси кўрсатган мўъжизани кутамиз. Улар Португалия билан дуранг ўйнай олди, демак, Ўзбекистонда ҳам бундай имконият бор. Португалия жуда кучли жамоа. Бироқ унга қарши курашиш мумкин», — деди Денисов.
Маълумот учун, Ўзбекистон терма жамоаси ўз тарихида илк бор жаҳон чемпионатида иштирок этмоқда. Жамоа биринчи турдан кейин очко жамғармаган ва К гуруҳида сўнгги ўринни эгаллаб турибди.
23 июнь куни Ўзбекистон Португалия терма жамоасига қарши майдонга тушади. Учрашув Тошкент вақти билан соат 22:00 да бошланади.













