Норвегия терма жамоаси мураббийи Столе Сольбаккен ЖЧ-2026 3-туридан ўрин олган Францияга қарши учрашув олдидан ўз фикрларини билдирди.

Бугун норвегияликлар Сенегални мағлуб этишди (3:2) ва плей-оффга йўл олишди. «Уч ранглилар» билан ўйин 26 июнь куни бўлиб ўтади.

«Франция билан ўйин олдидан бир қатор ўзгаришларни амалга оширамиз. Гап уларни мағлуб этишни истамаслигимизда эмас – ўйинлар ўртасидаги вақт жуда қисқа бўлгани учун биз ҳақиқатан ҳам бошқа таркибни туширишимиз зарур. Бугунги ўйиннинг охирида биз дуч келган шароитларни ҳисобга олсак, бошқа футболчиларда имконият бўлади – бу табиий ҳол. Айрим позицияларда бизда рақобат кучли.

6-7 нафар футболчимизнинг оёғи тортишиб қолишига сал қолди, улар деярли ҳолдан тойишган эди. Биз эса ҳали Гринсборога учиб боришимиз, кейин эса – яна Бостонга қайтишимиз керак. Шунинг учун кейинги ўйин учун таркибни топишингиз қийинроқ бўлади», – деди Сольбаккен.