Туриннинг «Ювентус» клуби раҳбарияти ёзги трансфер ойнасида жамоа таркибини кучайтиришни режалаштирмоқда. Бу ҳақда «La Gazzetta dello Sport» журналистлари хабар бермоқда.
Манбанинг маълумотларига кўра, «кекса синьора»нинг қизиқишлари доирасида бир йўла бир нечта футболчи бор. Италия гранди сафини дарвозабон Эмилиано Мартинес («Астон Вилла»), шунингдек, ҳимоячилар Ким Мин Жэ («Бавария») ва Тариқ Муҳаремович («Сассуоло») тўлдириши мумкин.
Италия А Сериясининг ўтган мавсумида Турин жамоаси 69 очко жамғариб, турнир жадвалида олтинчи ўринни эгаллади. «Кекса синьора» УЕФА Европа Лигасининг кейинги мавсумида иштирок этади.
