Turinning «Yuventus» klubi rahbariyati yozgi transfer oynasida jamoa tarkibini kuchaytirishni rejalashtirmoqda. Bu haqda «La Gazzetta dello Sport» jurnalistlari xabar bermoqda.
Manbaning ma’lumotlariga ko‘ra, «keksa sinyora»ning qiziqishlari doirasida bir yo‘la bir nechta futbolchi bor. Italiya grandi safini darvozabon Emiliano Martines («Aston Villa»), shuningdek, himoyachilar Kim Min Je («Bavariya») va Tariq Muharemovich («Sassuolo») to‘ldirishi mumkin.
Italiya A Seriyasining o‘tgan mavsumida Turin jamoasi 69 ochko jamg‘arib, turnir jadvalida oltinchi o‘rinni egalladi. «Keksa sinyora» UEFA Yevropa Ligasining keyingi mavsumida ishtirok etadi.
