«Арсенал» ва Испания терма жамоаси дарвозабони Давид Райя жамоанинг жаҳон чемпионати – 2026 учун қайдномасига киритилгани ҳақида ўз фикри билан ўртоқлашди.
«Бу менинг иккинчи жаҳон чемпионатим, бу орзу. Шу ерда эканимдан хурсандман. Менда «Арсенал» билан муваффақиятли йил бўлди: ўзимнинг учинчи «Олтин қўлқоп»имни ва Премьер-лигани ютдим. Ёшлигингизда жаҳон чемпионатини орзу қиласиз. Бундай турнирда иштирок этиш имконияти ҳар куни ҳам бўлавермайди», — дея Райянинг сўзларини келтиради журналист Фабрицио Романо.
Таъкидлаш жоизки, Райя — Испания терма жамоасининг асосий дарвозабони эмас. Жаҳон чемпионатининг дастлабки икки ўйинида асосий таркибда Унаи Симон майдонга тушди.
Икки турдан сўнг испанияликлар ўз ҳисобларига тўрт очко ёздириб қўйган ҳолда H гуруҳи турнир жадвалида пешқадамлик қилмоқда. Сўнгги турда Луис де ла Фуэнте шогирдлари Уругвай билан тўқнаш келишади.
