Италия терма жамоаси собиқ бош мураббийи Женнаро Гаттузо «Лацио»нинг янги устозига айланди. Бу ҳақда римликлар матбуот хизмати хабар бермоқда.
48 ёшли мутахассис «Лацио» билан 2028 йилга қадар мўлжалланган, яна бир мавсумга узайтириш имкониятига эга меҳнат шартномасини имзолади. Инсайдер Николо Скиранинг маълумотларига кўра, Гаттузонинг клубдаги маоши йилига бир ярим миллион еврони ташкил қилади.
Гаттузонинг охирги иш жойи Италия терма жамоаси бўлган эди, у жамоани жаҳон чемпионати – 2026 га олиб чиқа олмади. Мутахассис апрель ойида истеъфога чиқарилган эди.
2025/26 йилги мавсум якунларига кўра, «Лацио» Италия Серия А турнир жадвалида тўққизинчи ўринни эгаллади. Жамоа 38 та турда 54 очко жамғарди ва еврокубокларга йўлланма ололмади.
