«Тоттенхэм» ярим ҳимоячиси Лукас Бергвалль «Бавария» радарига тушди.
«Шпорлар» бош мураббийи Роберто де Дзерби футболчини бошланғич таркибда кўрмаяпти, шу боис сўнгги пайтларда матбуотда ушбу истиқболли ўйинчининг кетиши ҳақида миш-мишлар тез-тез пайдо бўлмоқда.
Журналист Экрем Конурнинг хабар беришича, «Бавария» ярим ҳимоячи билан шартнома имзолаш имкониятини кўриб чиқмоқда. Мюнхен клуби 20 ёшли футболчида жамоани тарк этган Леон Горецкага ўринбосар кўрмоқда.
Бергваллга Англиянинг «Челси», «Астон Вилла» ва «Ноттингем Форест» клублари ҳам қизиқиш билдирмоқда. Лукаснинг «Тоттенхэм» билан амалдаги шартномаси 2031 йилгача мўлжалланган, унинг «Transfermarkt» порталидаги тахминий қиймати эса 35 млн еврони ташкил этади.
