«Манчестер Юнайтед» собиқ сардори ва ярим ҳимоячиси Рой Кин Мадриднинг «Атлетико» клуби ҳужумчиси Хулиан Альвареснинг бошқа клубга ўтиши мумкинлиги борасида фикр билдирди.

«Трансфер ҳамма учун энг яхши танлов бўладими? Альварес учун шундайдир, лекин клуб учун эмас, бу аниқ. «Матрасчилар» уни асосий ҳужумчи сифатида ўз сафларига қўшиб олишган, у учун пул тўлашган ва имконият беришган. Бу жамоада ўйнар экансан, ҳамма учун нима яхшилигини ўзинг ҳал қилолмайсан. Бу худбинликнинг намоён бўлишидир», — дея ирландияликнинг сўзларини келтиради AS.

Испания чемпионатининг якунланган мавсумида 26 ёшли аргентиналик футболчи 29 та баҳсда майдонга тушиб, ўз ҳисобига саккизта гол ва тўртта голли узатмани ёздириб қўйди.