Аргентина терма жамоаси ҳимоячиси Кристиан Ромеро жароҳати сабабли ЖЧ-2026 гуруҳ босқичининг сўнгги учрашувини ўтказиб юборади.
«Тоттенхэм» футболчиси 2-тур доирасидаги Австрия терма жамоасига қарши баҳсда (2:0) тиззасидан шикастланган ва 57-дақиқада алмаштирилган эди.
«TyC Sports» хабарига кўра, Ромеро қўшимча текширувга муҳтож эмас, чунки у жиддий жароҳат олишдан қутилиб қолган. Ҳимоячи 28 июнь куни Иорданияга қарши ўйинда майдонга тушмайди.
Аргентина J гуруҳида биринчи ўрин билан муддатидан олдин плей-офф босқичига йўл олди.













