Аргентина терма жамоаси ярим ҳимоячиси Родриго де Пауль ижтимоий тармоқлардаги саҳифасига янги пост жойлаштирди. Футболчи унда «альбиселесте»нинг жамоавий суратини намойиш этди — расм марказида чоршанба куни 39 ёшни қарши олган Лионель Месси жой олган.

«Туғилган кунинг билан, капитан!» — деб ёзди де Пауль.

Аргентина терма жамоаси атиги иккита ўйиндаёқ Жаҳон чемпионати гуруҳ босқичини биринчи ўринда якунлаш вазифасини ҳал қилиб бўлди. Лионель Скалони шогирдлари Жазоир ва Австрия терма жамоаларини умумий 5:0 ҳисобида мағлуб этишди. Қизиғи, жамоанинг ушбу беталаф кечган ўйинлардаги барча 5 та голига Лионель Мессининг бир ўзи муаллифлик қилди.

Учинчи турда Аргентина терма жамоаси Иорданияга қарши майдонга тушади. Бу баҳсда «альбиселесте» учун ҳеч қандай турнир мотивацияси қолмаган.