Лондоннинг "Арсенал" клуби ўнг қанот ҳимоячиси Бен Уайт Премьер-лиганинг бошқа бир вакили эътиборига тушди.
28 ёшли футболчига "Эвертон" даъвогарлик қилмоқда. Arsenal Radar нашри берган маълумотларга кўра, "ирислар" бош мураббийи Дэвид Мойес англиялик ҳимоячини ўз ўйин тизимига идеал даражада мос келади деб ҳисобламоқда. Эҳтимолий трансфер қиймати тахминан 30 миллион фунт стерлингни (атрофида 35 миллион евро) ташкил этади.
Бен Уайт якунланган мавсумда Микель Артета жамоаси сафида 30 та ўйинда майдонга тушиб, ўз ҳисобига битта гол ва иккита голли узатмани ёздириб қўйди. Мавсум якунини эса футболчи тиззасидан олган жароҳати сабабли ўтказиб юборди. Ушбу жароҳат уни Англия терма жамоаси таркибида Жаҳон чемпионатига бориш имкониятидан ҳам маҳрум қилди.
