Мюнхеннинг "Бавария" клуби ярим ҳимоячи Конрад Лаймер билан янги меҳнат шартномасини имзолайди. Бу ҳақда iMiaSanMia ижтимоий тармоқ саҳифасида хабар берилди.
"Лаймер клуб билан янги шартнома имзолайди", - дея мюнхенликлар гранди кузатув кенгаши аъзоси Ули Хёнесс ушбу маълумотни тасдиқлади.
Лаймер ва "Бавария" ўртасидаги амалдаги меҳнат шартномаси муддати кейинги йилнинг ўрталарига қадар мўлжалланган.
Германия Бундеслигасининг якунланган мавсумида 29 ёшли австриялик ярим ҳимоячи 29 та учрашувда майдонга тушди. Конрад ўз ҳисобига учта гол ва тўққизта голли узатмани ёздириб қўйди, шунингдек, тўққизта сариқ карточка олди.













