Лондоннинг "Тоттенхэм" клуби "Манчестер Сити" вингери Савио трансфери устида ишлашда давом этмоқда. Бу ҳақда инсайдер Николо Скира хабар бермоқда.
Манбанинг берган маълумотларига кўра, "шпорлар" ҳалигача "шаҳарликлар" билан келишувга эриша олишмади, бироқ ҳаракатларни тўхтатишгани йўқ. Футболчининг ўзи эса бундан икки ҳафта олдин Лондонга кўчиб ўтишга розилик берган.
Якунланган мавсумда 22 ёшли бразилиялик футболчи барча турнирларда 36 та учрашувда майдонга тушди, тўрт бор рақиблар дарвозасини ишғол қилди ва ўз ҳисобига учта голли узатмани ёздириб қўйди.
Савионинг "Манчестер Сити" билан амалдаги шартномаси 2031 йилгача мўлжалланган. Transfermarkt портали экспертлари вингерни 35 миллион еврога баҳолашмоқда.













