Ҳимоячи Трево Чалоба шу ёзда "Челси"ни тарк этиши мумкин.
Инсайдер Фабрицио Романонинг берган маълумотларига кўра, Лондон клуби ёзги трансфер ойнасида ўз футболчисини сотишга тайёр. Англиялик ўйинчини ўз сафига қўшиб олишга Миланнинг "Интер" клуби қизиқиш билдирмоқда. Италияликлар яқин вақт ичида футболчининг трансфери бўйича музокараларни бошлаш ниятида.
Трево Чалоба "Челси" клуби тарбияланувчиси ҳисобланади. Унинг "кўклар" билан амалдаги шартномаси 2028 йилнинг 30 июнига қадар мўлжалланган. 2025/26 йилги мавсумда ҳимоячи Лондон клуби сафида барча турнирларда 47 та учрашувда майдонга тушиб, учта гол урди. Transfermarkt портали Трево Чалобанинг қийматини 40 миллион еврога баҳоламоқда.
