"Барселона" клубининг собиқ ҳужумчиси Луис Суарес Ламин Ямал ва Лионель Мессининг ўзаро солиштирилиши ҳақида ўз фикрини билдирди.
18 ёшли испаниялик футболчини фаолиятининг илк кунлариданоқ Мессининг вориси деб аташмоқда. Уругвайлик форварднинг фикрича, бундай ўхшашликлар унчалик тўғри эмас.
"Ямални Месси билан солиштириш адолатдан эмас — улар бошқа-бошқа футболчилар. Тўғри, иккаласининг ҳам чап оёғи сеҳрли, иккиси ҳам ақл бовар қилмас даражада иқтидорли, лекин улар бир хил эмас. Умид қиламанки, кун келиб Ламин Лео даражасига етади", — дея 39 ёшли ҳужумчининг сўзларини келтиради BarcaTimes.
Ҳозирда Луис Суарес ва Лионель Месси "Интер Майами" клубида биргаликда тўп суришмоқда. Суарес "Барса"ни 2020 йилда, Месси эса ундан бир йил ўтиб тарк этган эди.
