«ПСЖ» ҳужумчиси Рандаль Коло-Муанининг «Ювентус»га бўлиши мумкин бўлган трансфери тафсилотлари ҳақида батафсил маълумотлар пайдо бўлди.

«Tuttosport» нашрининг таъкидлашича, Италия гранди 27 ёшли франциялик футболчи билан меҳнат шартномасини келишиб олган. Айтилишича, трансфер амалга ошган тақдирда Коло-Муани йилига беш миллион евро маош ва бонуслар кўзда тутилган беш йиллик шартномага имзо чекади.

Манбанинг маълумотларига кўра, «Ювентус» ва «ПСЖ» ўртасидаги келишув ҳам узоқда эмас. Парижликлик ҳамон 40 миллион евро талаб қилишда давом этмоқда, туринликлар эса фақат 35 миллион таклиф қилмоқда. Шунга қарамай, «Ювентус» оптимизмни сақлаб қолмоқда.

Ортда қолган мавсумда Коло-Муани ижара асосида «Тоттенхэм»да тўп сурди. Жамоа либосида у 41 та ўйинда иштирок этиб, 5 та гол урди ва 4 та голли узатмани амалга оширди.