«Ньюкасл» ярим ҳимоячиси Сандро Тонали Лондоннинг «Тоттенхэм» клубига ўтган тақдирда қанча ишлаб топиши маълум бўлди.
Инсайдер Николо Скиранинг хабарига кўра, «шпорлар» Тонали билан меҳнат шартномаси шартлари бўйича келишувга эришишган. Агар трансфер амалга ошса, италиялик футболчи бир мавсум учун 12 миллион евро маош билан 2032 йилгача мўлжалланган шартнома имзолайди.
«Тоттенхэм» «Ньюкасл» билан келишувга эришишига тўлиқ ишонаётгани таъкидланмоқда. Футболчининг ўзи ҳам жамоани тарк этиб, Роберто Де Дзерби қўл остига ўтишни истамоқда.
2025/26 йилги мавсумда Тонали барча турнирларда 53 та ўйинда майдонга тушиб, 3 та гол урди ва 7 та голли узатмани амалга оширди.
