«Пари Сен-Жермен» ҳужумчиси Гонсалу Рамуш фаолиятини «Милан»да давом эттириши мумкин.

«A BOLA» нашрига маълум бўлишича, 25 ёшли португалиялик футболчи «Милан»нинг устувор трансфер мақсади ҳисобланади. «Милан» парижликларга Рамуш учун бонуслар билан бирга 45 миллион евро таклиф қилгани таъкидланмоқда.

Футболчининг ўзига йилига 4 миллион евро маош билан тўрт ёки беш йиллик шартнома таклиф қилинади. Рамуш — «Милан»нинг янги бош мураббийи Рубен Аморимнинг биринчи истаги эканлиги алоҳида қайд этилган.

Ортда қолган клуб мавсумида Рамуш барча турнирларда 45 та учрашувда майдонга тушиб, 12 та гол урди ва ўз ҳисобига иккита голли узатмани ёзиб қўйди.