Ўзбекистон миллий терма жамоаси собиқ футболчиси Виталий Денисов жамоанинг Жаҳон чемпионати — 2026даги муваффақиятсиз иштироки ҳақида гапирди.
Экспертнинг сўзларига кўра, 2025 йилнинг кузида Осиё жамоасини бошқаришга киришган италиялик мураббий Фабио Каннаваро шогирдларини янги тактик схемага мослаштиришга улгурмаган.
«Каннаварога Ўзбекистон терма жамоасига янги тактикани сингдириш ва унга мос ўйинчиларни саралаб олиш учун вақт етишмади. Бир кунда учта ҳимоячи билан ўйнаш тизимига ўтиб бўлмайди», — дея экспертнинг сўзларидан иқтибос келтиради Metaratings.ru.
Ўзбекистон жамоаси ЖЧ-2026нинг икки туридан сўнг бирор очко жамғара олмади. Индинга, 28 июнь куни жамоа илк турда португалияликлар билан сенсацион тарзда дуранг ўйнаган Конго ДР терма жамоасига қарши майдонга тушади.
