O‘zbekiston milliy terma jamoasi sobiq futbolchisi Vitaliy Denisov jamoaning Jahon chempionati — 2026dagi muvaffaqiyatsiz ishtiroki haqida gapirdi.
Ekspertning so‘zlariga ko‘ra, 2025 yilning kuzida Osiyo jamoasini boshqarishga kirishgan italiyalik murabbiy Fabio Kannavaro shogirdlarini yangi taktik sxemaga moslashtirishga ulgurmagan.
«Kannavaroga O‘zbekiston terma jamoasiga yangi taktikani singdirish va unga mos o‘yinchilarni saralab olish uchun vaqt yetishmadi. Bir kunda uchta himoyachi bilan o‘ynash tizimiga o‘tib bo‘lmaydi», — deya ekspertning so‘zlaridan iqtibos keltiradi Metaratings.ru.
O‘zbekiston jamoasi JCH-2026ning ikki turidan so‘ng biror ochko jamg‘ara olmadi. Indinga, 28 iyun kuni jamoa ilk turda portugaliyaliklar bilan sensasion tarzda durang o‘ynagan Kongo DR terma jamoasiga qarshi maydonga tushadi.
