12-13 сентябрь кунлари биринчи лиганинг навбатдаги тур ўйинлари давом эттирилади. Мазкур турнинг энг марказий учрашуви сифатида “Машъал” – “Андижон” баҳси эътироф этилмоқда.
Чунки ҳар иккала жамоа ҳисобида ҳозир бир хил очко мавжуд. Бундан ташқари, жамоалар биринчи-иккинчи ўринларни эгаллаб туришибди. 12 сентябрь куни Муборакдаги Баҳром Вафоев номли стадионда бўлиб ўтадиган ушбу баҳсни навоийлик Зокир Қодиров бошчилигидаги ҳакамлар бригадаси бошқариб боради. Унга қанотларда Руслан Самандаров билан Обид Жумаев ёрдам беришади. Тошкентлик Андрей Тамбовцев эса назоратчи вазифасини бажаради. Ўйин 17:30да бошланади.
7-тур. 12 сентябрь
«Регистон» – «Пахтакор-2»
«Зарафшон-ПФК» – «Оқтепа»
«Машъал» – «Андижон»
«Спартак» – «Қўқон-1912»
«Орол» – «Косонсой»
«Хоразм» – «Чуст-Пахтакор»
13 сентябрь
«Аланга» – «Истиқлол»
«Шердор» – «НБУ-Осиё»
