Кабо-Верде терма жамоаси 2026 йилги Жаҳон чемпионатида тарихий муваффақиятга эришиб, ўз тарихида илк бор плей-офф босқичига йўл олди.

Жамоа гуруҳ босқичини 3 очко билан якунлади ва барча учта ўйинда дуранг қайд этди. Ушбу натижа гуруҳда иккинчи ўринни эгаллаш ва 1/16 финалга чиқиш учун кифоя қилди.

Squawka хабарига кўра, Кабо-Верде XXI асрда Жаҳон чемпионатида бирорта ҳам ғалаба қозонмасдан гуруҳдан чиқишга муваффақ бўлган ягона терма жамоага айланди. Шунингдек, бу турнирнинг энг кам аҳолига эга иштирокчи давлатларидан бири эканлиги қайд этилган — мамлакат аҳолиси тахминан 530 минг кишини ташкил қилади. Бу плей-офф босқичига йўлланма олган терма жамоалар ўртасидаги рекорд даражадаги энг паст кўрсаткичдир.