Португалия терма жамоаси бош мураббийи Роберто Мартинес ЖЧ-2026 доирасидаги Колумбияга қарши ўйин олдидан ўтказилган матбуот анжуманида кийиниш хонасидаги муҳит ҳақидаги саволга жавоб берди.
— Ғалаба гуруҳда биринчи ўринни таъминлашини ҳисобга олсак, кийиниш хонасидаги муҳитни қандай баҳолайсиз?
«Кийиниш хонасида жуда яхши эмоционал мувозанат ҳукм сурмоқда.
Масъулият ва умидлар туйғуси бор, аммо шу билан бирга, эришмоқчи бўлган мақсадларимизга нисбатан ишонч ва диққат-эътибор ҳам юқори. Бу эмоционал мувозанат жуда муҳим.
Олтита Жаҳон чемпионатида қатнашиш тажрибасига эга сардорнинг (Криштиану Роналду) борлиги жуда катта ёрдам бермоқда.
Аммо бизда «Манчестер Юнайтед», «Манчестер Сити», «Порту» ва «Ал-Ҳилол»дан ҳам сардорлар гуруҳи мавжуд. Бизда жуда яхши етакчилар гуруҳи шаклланган», — деди Роберто Мартинес.
Португалия 4 очко билан «K» гуруҳида иккинчи ўринда бормоқда. Колумбия 6 очко билан пешқадамлик қилмоқда.
