Мадриднинг «Реал» клуби марказий ҳимоячиси Рауль Асенсио Италиянинг «Лацио» клуби шорт-листидан жой олган. Бу маълумотни инсайдер Экрем Конур ошкор қилди.

Манбанинг хабарига кўра, «Лацио» «Реал» ҳимоячиси Рауль Асенсиони яқин орада Қатарга йўл олиши кутилаётган Алессио Романьолига потенциал ўринбосар сифатида кўрмоқда.

Қайд этилишича, «Лацио» Асенсионинг эҳтимолий трансфери бўйича дастлабки музокараларни ўтказган. Келишув суммаси тахминан 20 миллион еврони ташкил қилиши мумкин, бироқ ҳозирча футболчининг «Реал»да қолиш истаги туфайли бу трансфер амалга ошиши бироз қийин кўринмоқда.

Якунланган мавсумда 23 ёшли Асенсио барча мусобақаларда 34 та ўйинда майдонга тушиб, иккита гол урди ва битта голли узатмани амалга оширди.