Лионель Месси машҳур WhoScored статистик порталининг ўртача баҳоларига кўра, якунланган ЖЧ-2026 гуруҳ босқичининг энг яхши футболчилари рўйхатини бошқариб бормоқда.
39 ёшли аргентиналик ҳужумчи гуруҳ босқичида 6 та гол уришга муваффақ бўлди ва 8,92 ўртача баллга лойиқ кўрилди. Рейтингнинг иккинчи поғонасини норвегиялик Эрлинг Холанд (8,87 балл) эгаллаб турган бўлса, франциялик Килиан Мбаппе (8,33 балл) учинчи бўлди. Шунингдек, кучли бешликдан Винисиус Жуниор (Бразилия, 8,29 балл) ва Усмон Дембеле (Франция, 8,16 балл) жой олишди. Кейинги 6-ўриндан 10-ўрингача бўлган поғоналарни мос равишда Ашраф Ҳакимий, Коди Гакпо, Леандро Троссард, Вильям Салиба ва Матеус Кунья эгаллаб туришибди.
Месси айни дамда тўпурарлар пойгасида ҳам пешқадамлик қилмоқда. У гуруҳ босқичининг сўнгги туридан ўрин олган Иорданияга қарши баҳснинг иккинчи бўлимида захирадан майдонга тушиб, жарима зарбасини голга айлантирган эди.
