Мадриднинг «Реал» клуби «Челси» ярим ҳимоячиси Энцо Фернандесга қизиқиш билдиришда давом этмоқда.

Журналист Фабио Гатто берган маълумотларга кўра, Мадрид клуби аргентиналик футболчининг трансфери бўйича музокараларни жадаллаштирмоқда. Айни дамда ўтиш борасидаги муҳокамалар илғор босқичга кирди ва «қаймоқранглилар» якуний келишувга эришиш устида ишлашда давом этишмоқда. Фернандес келаси мавсум олдидан ярим ҳимоя чизиғини кучайтириш учун «Реал»нинг асосий мақсади бўлиб қолмоқда.

Энцо Фернандес 2023 йилда «Бенфика»дан «Челси»га 121 миллион евро эвазига ўтган эди. Унинг шартномаси 2032 йилнинг 30 июнига қадар мўлжалланган. 2025/26 йилги мавсумда аргентиналик футболчи Лондон клуби сафида барча мусобақаларда 54 та ўйинда майдонга тушиб, 15 та гол урди ва 7 та голли узатмани амалга оширди.