Ўтмишда машҳур бўлган португалиялик футболчи Рикарду Куарежма Португалия миллий терма жамоасининг 2026 йилги Жаҳон чемпионатидаги ўйинини танқид остига олди.
Мундиалнинг гуруҳ босқичида Роберто Мартинес шогирдлари фақат битта ғалабага эришишди — Ўзбекистон терма жамоаси мағлуб этилди (5:0). Конго ДР ва Колумбияга қарши учрашувлар эса дуранг билан якунланди.
«Жамоага қувонч, бахт, креативлик етишмаяпти. Бизда доим бўлган ўша шижоат (журъат) ва хоҳиш етишмаяпти. Характер етишмаяпти. Футболчилар таваккал қилишдан қўрқаётгандек таассурот уйғонмоқда», — дея экспертнинг сўзларини LiveModeTV нашри келтиради.
Португалия терма жамоаси «К» гуруҳида иккинчи ўринни эгаллади. ЖЧ-2026нинг 1/16 финалида жамоа Хорватияга қарши баҳс олиб боради.
