«Челси» ва Франция терма жамоаси ҳимоячиси Мало Гюсто «Манчестер Сити» футболчисига айланади. Foot Mercato нашрининг хабар беришича, футболчи ўзига жуда яхши таниш бўлган Энцо Мареска бошқарувидаги «шаҳарликлар» лагерига ўтишга розилик берган.
Энди клублар трансфер баҳоси борасида келишиб олишлари керак. «Кўклар» франциялик ҳимоячи учун 50-55 миллион евро ишлаб олмоқчи.
Эслатиб ўтамиз, айни пайтда Гюсто Шимолий Америкада бўлиб ўтаётган жаҳон чемпионатида Франция терма жамоаси ихтиёрида бўлиб турибди. Чоршанба куни «учранглилар» плей-оффнинг илк босқичи — 1/16 финалида Швеция терма жамоасига қарши майдонга тушади.
Мареска янги мавсумдан бошлаб «Сити» бош мураббийи сифатида иш бошлайди.
