Бразилия терма жамоаси бош мураббийи Карло Анчелотти ЖЧ-2026 1/16 финали доирасидаги Японияга қарши учрашув олдидан ҳужумчи Неймарнинг тайёргарлиги хусусида фикр билдирди.
34 ёшли футболчи гуруҳ босқичининг Гаитига қарши кечган сўнгги ўйинида (3:0) иштирок этиб, 76-дақиқада захирадан майдонга тушган эди. «Сантос» ҳужумчиси дастлабки иккита учрашувни болдир мушагидаги жароҳат сабабли ўтказиб юборганди.
«У яхши тикланмоқда. Сўнгги ҳафта ичида ўз тайёргарлигини сезиларли даражада яхшилаб олди. Афсус, у бутун вақт давомида биз билан бирга машғулот ўтказа олмади.
Албатта, у 15 дақиқадан кўпроқ ўйнаши мумкин. Бу кўп жиҳатдан ўйиннинг қандай кечишига боғлиқ», – деди Анчелотти.
