«Фрайбург» ва Швейцария терма жамоаси ярим ҳимоячиси Йохан Манзамби «Ньюкасл Юнайтед»нинг қизиқишлар доирасига кирди. Англия клуби футболчини жорий ёзги трансфер ойнасида сотиб олиш имкониятини кўриб чиқмоқда, дея хабар беради Sky Sports.
20 ёшли ўйинчига «ҳаккалар» томонидан бўлаётган қизиқиш унинг ЖЧ-2026 гуруҳ босқичидаги сермаҳсул иштироки фонида янада кучайди — у ерда футболчи 3 та гол урди ва 1 та голли узатмани ўз ҳисобига ёздириб қўйди. Германиянинг «Фрайбург» клуби ўз ярим ҳимоячисини тахминан 50 миллион еврога баҳоламоқда.
Ортда қолган 2025/2026 йилги мавсумда Манзамби 47 та ўйинда майдонга тушиб, 7 та гол урди ва 9 та голли узатмани амалга оширди.
