Бразилия терма жамоаси ҳимоячиси Маркиньос бразилияликлар «аввалгидек кучли эмас» деб айтган Япония терма жамоаси ҳужумчиси Кэнто Сиогаининг фикрларига муносабат билдирди ва уни танқид қилди.
«Бўлди-да, етар. Уларнинг гапиришда давом этаётгани яхши — бу жамоамизга фақат қўшимча мотивация беради. Биз АҚШда бўлиб турганимизга деярли бир ой бўлди. Катта камтарлик билан ўз мақсадимиз йўлида жуда қаттиқ меҳнат қилишда давом этяпмиз. Бундай гап-сўзларни рақибларимизга қолдирамиз — майли, гапираверишсин, бу бизни янада руҳлантиради.
Балки, бу улар томонидан бироз ҳаддан ташқари ўзига ишончлик аломатидир. Бразилия барибир буюк терма жамоа бўлиб қолаверади. Биз шунчаки эртага ўз кучимиз ва маҳоратимизни кўрсатишимиз керак. Ҳар бир тўп муҳим бўлади, ҳар бир вазият ҳал қилувчи аҳамият касб этиши мумкин. Биз бундай сўзларни уларга қолдирамиз, ўзимиз учун эса бу ўйинга қўшимча мотивация бўлиши керак — ҳар бир тўп учун курашиш ва ушбу учрашувда ўзимиз лойиқ бўлган ғалабани қўлга киритиш», — дея Маркиньоснинг сўзларини келтиради Globo нашри.
Бразилия ва Япония терма жамоалари ўртасидаги ЖЧ-2026 1/16 финал учрашуви 29 июнь куни бўлиб ўтади.
