Дарвозабон Люка Шевалье «ПСЖ» клубини тарк этиш истагини билдирмаган. Бу ҳақда Le Parisien нашри хабар бермоқда.
24 ёшли посбон жамоа бош мураббийи Луис Энрикенинг ишончини сақлаб қолмоқда ва Париж клуби ҳам футболчи билан хайрлашишни режалаштирмаяпти.
Эслатиб ўтамиз, Шевалье якунланган мавсум давомида россиялик голкипер Матвей Сафонов билан рақобатда енгилиб, захирага михланиб қолган эди.
Франциялик дарвозабон 23 январдан буён «ПСЖ» сафида майдонга тушгани йўқ. У ўтган мавсумда Франция Лига 1 мусобақасида жами 17 та ўйинда иштирок этган.
