Федерал қидирув бюроси (ФҚБ) директори Кеш Пател АҚШ ҳуқуқ-тартибот идоралари ЖЧ-2026 ўйинлари ўтказилаётган жойларда 400 дан ортиқ дронларни мусодара қилганини маълум қилди.
“Бугунги кунга келиб биз парвозлар учун чекланган ҳаво ҳудудлари яқинида учирилган 400 дан ортиқ учувчисиз қурилмаларни мусодара қилдик”, деб ёзади Пател ўзининг X (собиқ Twitter) ижтимоий тармоғидаги саҳифасида.
Шунингдек, Пател Жаҳон чемпионати ўйинларига мезбонлик қилаётган АҚШ шаҳарларида дронларни тутиб олиш бўйича махсус гуруҳлар жойлаштирилганини таъкидлади. Хусусан, якшанба куни Маямидаги ФҚБ ходимлари еттита учувчисиз қурилмани мусодара қилган бўлса, яна еттита дрон FIFA фан-зонасидаги тадбирлар чоғида тутиб қолинган.
Маълумот ўрнида, 2026-йилги Жаҳон чемпионати 11 июндан 19 июлга қадар АҚШ, Канада ва Мексика яшил майдонларида бўлиб ўтмоқда. Жаҳон чемпионатининг амалдаги ғолиби эса Аргентина миллий терма жамоаси ҳисобланади.













