КОНМЕБОЛ минтақасида навбатдаги тур саралаш ўйинлари якунига етди. Сафарда Парагвайни йирик ҳисобда (5:2) мағлуб этган Аргентина терма жамоаси минтақада биринчи бўлиб (албатта мезбон — Бразилиядан кейин) ЖЧ йўлланмасига эга бўлди.

Леонель Месси белгиланган 2та пенальтини аниқ амалга оширган бўлса, Агуэро, Ди Мария ва Родригес биттадан гол муаллифига айланишди. КОНМЕБОЛ минтақасида Месси ва Суарез 10тадан гол уриб, тўпурарлар баҳсида карвонбошилик қилишмоқда.

Уругвай ўз майдонида Колумбияни мағлуб этган бўлса, Эквадор тоғли Боливияда дуранг ўйнади. Натижада Уругвай ва Эквадор очколари тенглашди — 22тадан. Келаси турда айнан ушбу икки жамоа Эквадорда тўқнаш келишади. Ушбу ўйин минтақадаги 4 ва 5-ўринлар тақдирини ҳал қилади.

Мусобақа жадвали
1. Аргентина — 29 (14)
2. Колумбия — 26 (14)
3. Чили — 24 (14)
4. Эквадор — 22 (14)
5. Уругвай — 22 (14)
6. Венесуэла — 19 (15)
7. Перу — 14 (14)
8. Боливия — 11 (15)
9. Парагвай — 11 (14)