«Манчестер Юнайтед» ҳужумчи Маркус Рэшфорднинг вакиллари билан дастлабки музокараларни ўтказди. Инсайдер Фабрицио Романонинг ижтимоий тармоқларда хабар беришича, «қизил иблислар» футболчини ортга қабул қилишга тайёр.
Маркуснинг ўзи ҳам манкунианликлар бош мураббийи Майкл Кэррик қўл остида мавсум олди тайёргарликни бошлашга қарши эмас. Шу билан бирга, футболчининг кейинги мавсумда жамоада қолиши бўйича ҳозирча ҳеч қандай кафолат йўқ.
Якунланган мавсумда 28 ёшли Рэшфорд ижара ҳуқуқи асосида Каталониянинг «Барселона» клубида тўп сурди. Унинг «Манчестер Юнайтед» билан амалдаги шартномаси 2028 йилнинг июнь ойи охиригача мўлжалланган. Футболчининг трансфер баҳоси 40 миллион еврони ташкил этади.
