Франция терма жамоаси сардори Килиан Мбаппе Жаҳон чемпионати–2026 1/16 финалида Швеция устидан қозонилган 3:0 ҳисобидаги ғалабадан кейин ўз фикрлари билан ўртоқлашди. Мазкур учрашувда ҳужумчи дубль муаллифи бўлди.
«Мен нима учун ўйнаётганимни, қаердалигимни ва зиммамда қандай масъулият борлигини яхши тушунаман. Жамоа ҳам бу ердаги вазифаларини аниқ билади. Энди янги босқич бошланмоқда. Бугун ишончли ўйнадик, гарчи ўйин бошланиши қийин кечган бўлса ҳам. Кейинроқ ўз ўйинимизни топдик ва гол билан якунланиши мумкин бўлган кўплаб вазиятлар яратдик. Менинг вазифам — кийиниш хонасидаги муҳитни назорат қилиб туриш», — деди Мбаппе.
Франция терма жамоаси ушбу ғалаба орқали Жаҳон чемпионати 1/8 финалига йўл олди. Французлар кейинги босқичда Парагвай терма жамоасига қарши майдонга тушади.
