Швециялик машҳур собиқ ҳужумчи Златан Ибрагимович Франция терма жамоасининг кучи ҳақида ўз фикри билан ўртоқлашди. «Учранглилар» 1/16 финал учрашувида шведларга ҳеч қандай имконият қолдирмай, жавобсиз учта гол уришди.

«Мен буни ўйин олдидан ҳам айтгандим ва ҳозир ҳам ушбу Франция терма жамоасида бирон бир заиф томонни кўрмаяпман. Уларнинг ҳужум чизиғидаги исталган вакили ўйин тақдирини бир ўзи ҳал қилишга қодир. Олисе гол урмади, лекин унда Мбаппе ва Дембеледа йўқ бўлган майдонни кўриш қобилияти бор, ваҳоланки улар турли хел фазилатларга эга ўйинчилардир.

Франция қанчалик узоққа боришини кўрамиз, лекин бу даҳшатли жамоа. Унда дунёнинг энг яхши бешта ҳужумкор футболчисидан уч нафари — Мбаппе, Дембеле ва Олисе тўп сурмоқда. Қолган икки нафари — Ямаль ва Ҳоланд. Месси эса ўз тоифасида, шунинг учун уни ҳисобга олмаяпман», — дея Ибрагимовичнинг сўзларини келтиради The Touchline.

1/8 финалда французлар Парагвай билан тўқнаш келишади.