Shvesiyalik mashhur sobiq hujumchi Zlatan Ibragimovich Fransiya terma jamoasining kuchi haqida o‘z fikri bilan o‘rtoqlashdi. «Uchranglilar» 1/16 final uchrashuvida shvedlarga hech qanday imkoniyat qoldirmay, javobsiz uchta gol urishdi.

«Men buni o‘yin oldidan ham aytgandim va hozir ham ushbu Fransiya terma jamoasida biron bir zaif tomonni ko‘rmayapman. Ularning hujum chizig‘idagi istalgan vakili o‘yin taqdirini bir o‘zi hal qilishga qodir. Olise gol urmadi, lekin unda Mbappe va Dembeleda yo‘q bo‘lgan maydonni ko‘rish qobiliyati bor, vaholanki ular turli xel fazilatlarga ega o‘yinchilardir.

Fransiya qanchalik uzoqqa borishini ko‘ramiz, lekin bu dahshatli jamoa. Unda dunyoning eng yaxshi beshta hujumkor futbolchisidan uch nafari — Mbappe, Dembele va Olise to‘p surmoqda. Qolgan ikki nafari — Yamal va Holand. Messi esa o‘z toifasida, shuning uchun uni hisobga olmayapman», — deya Ibragimovichning so‘zlarini keltiradi The Touchline.

1/8 finalda fransuzlar Paragvay bilan to‘qnash kelishadi.