«Ливерпуль» «Майнц» ярим ҳимоячиси Каисю Санога жиддий қизиқиш кўрсатмоқда. Мерсисайдликлардан ташқари, «Арсенал», «Манчестер Юнайтед» ва Дортмунднинг «Боруссия» клублари ҳам футболчи атрофидаги вазиятни диққат билан кузатиб боришмоқда, дея хабар беради Buli News.

Санога бўлган қизиқиш ЖЧ-2026нинг 1/16 финалидан ўрин олган Япония — Бразилия (1:2) учрашувидан сўнг кескин ортиб кетди. Ўша ўйинда ярим ҳимоячи узоқ масофадан йўллаган зарбаси билан ҳисобни очган ва миллий жамоадаги дебют голини урган эди. Санонинг «Майнц» билан шартномаси 2028 йилгача мўлжалланган. Германия клуби футболчининг трансфери учун тахминан 50–60 миллион евро талаб қилиши мумкин.

Ўтган 2025/2026 йилги мавсумда Сано барча турнирларда жами 48 та учрашувда майдонга тушиб, 2 та гол урди ва 5 та голли узатмани амалга оширди.