Хабиб Нурмагомедов ЖЧ-2026 1/8 финали доирасидаги Бразилия терма жамоасига қарши ўйинда Норвегияга мухлислик қилишини айтди.
«Норвегия кейинги босқичга чиқди ва бу қувонарли, устига-устак Ҳоланд ҳал қилувчи голни урди. Бразилия – Норвегия ўйинини кутяпмиз. Норвегияни қўллаб-қувватлайман. Нима учун айнан уларга мухлислик қилаётганимни ўзим ҳам тушуна олмаяпман. Ваҳоланки, Бразилияда «Реал» мураббийи ва футболчилари бор. Хуллас, олға, Норвегия», – деб ёзди Хабиб.
Кеча, 30 июнь куни норвегияликлар Кот-д′Ивуар терма жамоасини мағлуб этишди (2:1). Бразилияликлар эса бундан олдин плей-оффнинг илк ўйинида Япония терма жамоасидан ўтишганди (2:1).
