Испания терма жамоаси ярим ҳимоячиси Фабиан Руис Жаҳон чемпионатининг 1/16 финалидан ўрин олган Австрияга қарши ўйин олдидан жамоадаги муҳит ҳақида ўз фикрлари билан ўртоқлашди.

Руис жисмоний ҳолати билан боғлиқ муаммолар аста-секин ортда қолганини таъкидлаб ўтди:

«Жароҳатдан сўнг аввалги тезлик ва ритмимни тиклаб олиш мен учун бироз қийин кечди, бироқ ҳозир майдонга тушишга 100 фоиз тайёрман», — дея футболчининг сўзларидан иқтибос келтирмоқда The Telegraph нашри.

Ярим ҳимоячининг қўшимча қилишича, мураббийлар штаби майдон марказида бирйўла бир нечта футболчилардан фаол фойдаланаётгани (ротация қилаётгани) Испания терма жамоасининг умумий ўйин услубига таъсир ўтказмайди.

«Ким ўйнашининг аҳамияти йўқ — муҳими, биз бир-биримизни қўллаб-қувватлаётганимизда. Барчамиз футболни бир хил тушунамиз. Марказдаги исталган футболчи майдонга тушиб, жамоага ёрдам бера олади».

Испания ва Австрия терма жамоалари ўртасидаги учрашув 2 июль куни Тошкент вақти билан соат 00:00 да старт олади.