«Ньюкасл»нинг италиялик ярим ҳимоячиси Сандро Тонали ҳақиқатан ҳам «Милан»га қайтишни орзу қилиши ҳақидаги саволга жавоб берди.

«Бу мавзуда доимо кўплаб миш-мишлар юради, биз бу ҳақда мунтазам равишда ҳазиллашиб турамиз. Аммо агар қачондир менда ҳақиқатан ҳам «Милан»га қайтиш имконияти пайдо бўлса, биз буни жиддий муҳокама қиламиз», — дея Тоналининг сўзларини журналист Фабрицио Романо келтирмоқда.

Аввалроқ, тез орада 26 ёшли Тонали Лондоннинг «Тоттенхэм» клуби аъзосига айланиши маълум бўлган эди. 2 июль куни футболчи тиббий кўрикдан ўтиши керак, шундан сўнг «шпорлар» билан шартнома имзоланади.

Тонали 2020 йилдан 2023 йилгача «Милан» сафида тўп сурган. Ушбу давр мобайнида у 130 та учрашувда майдонга тушиб, 7 та гол урди ва ўз ҳисобига 13 та голли узатмани ёздириб қўйди.