«Ньюкасл» ярим ҳимоячиси Сандро Тонали яқин орада Лондонга етиб келади. Футболчи «Тоттенхэм»га ўтиш олдидан тиббий кўрикдан ўтади.

Ушбу трансфер нафақат Лондон клуби, балки бутун Италия футболи тарихидаги рекорд натижага айланади. Келишув якунлангач, Тонали тарихдаги энг қиммат италиялик футболчига айланади. У Саудиянинг «Аль-Қадисия» клуби «Аталанта»дан 68,25 миллион еврога сотиб олган Матео Ретегининг аввалги рекордини янгилайди.

Ушбу келишувдан «Милан» клуби ҳам катта молиявий фойда кўради. Тонали «Ньюкасл»га сотилаётган маҳал миланликлар футболчининг кейинги сотувидан 10 фоиз улуш сақлаб қолишган эди. Ярим ҳимоячининг «Тоттенхэм»га трансфери ортидан «Милан» тахминан 10 миллион евро ишлаб олади.