«Челси» ярим ҳимоячиси Энцо Фернандеснинг агенти Хавьер Пасторе Мадриднинг «Реал» клуби томонидан футболчига бўлаётган қизиқишлар ҳақидаги хабарларга изоҳ берди.

– Ҳа, Мадриднинг «Реал» клуби ҳам тилга олинган эди. «Реал» энг яхши футболчиларни яхши кўради, Энцо эса жорий мавсумда энг яхшилардан бири бўлди. У «Реал»га ёқадиган футболчи ва унга ҳам «Реал» ёқади, худди [Испания] ла лигасининг бошқа клублари каби. Энди биз бироз кутишимиз керак.

– Энцо Испания пойтахтига ташрифлари чоғида Мадридда ўзини жуда бахтли ҳис қилганини инкор этиб бўлмайди.

– Сизларнинг барчангиз уни интиқлик билан кутяпсиз, албатта, у бахтли, аммо у Лондонда ҳам бахтли. Чунки футболчи ўзи бўлиб турган жойида ўзини қулай ҳис қилсагина энг яхши натижаларини кўрсата олади. Энцо Англия пойтахтида бахтли эди. У менинг олдимга тез-тез келиб турар ва Испанияда, хусусан, «Атлетико»да ўйнайдиган дўстлари билан учрашарди.

Албатта, унга Мадрид ёқади, лекин унга Лондон ҳам ёқади. Буни унутмайлик. Йил давомида бир неча бор гаплашишимизга тўғри келди, шу сабабли у Мадридга кўп марта келган, — деди Пасторе.