«Манчестер Юнайтед» дарвозабони Андре Онана «Трабзонспор» клуби билан янги бир йиллик ижара шартномасини имзолади.
Daily Mail Sport нашрининг хабарига кўра, футболчи барча керакли ҳужжатларга имзо чеккан ва эндиликда клублар яқин 24 соат ичида келишувнинг сўнгги деталларини якунлашлари лозим.
Туркияликлар ижара учун инглизларга кўпи билан 1,3 миллион фунт тўлашади, якуний сумма жамоанинг кейинги мавсумдаги натижаларига боғлиқ бўлади. Шунингдек, улар Онана маошининг катта қисмини қоплаб беришади. Шартномада келаси ёзда футболчини сотиб олиш ҳуқуқи (опцияси) кўзда тутилмаган.
Камерунлик посбон Сенне Ламменс келганидан сўнг «МЮ»да унинг келажаги йўқлиги маълум бўлгач, ўтган йилнинг сентябрь ойидан бери Туркияда тўп суриб келаётган эди.
Туркия чемпионатининг ўтган мавсумида Онана 29 та ўйинда майдонга тушиб, 35 та гол ўтказиб юборди.
