Австрия терма жамоаси Жаҳон чемпионати — 2026нинг 1/16 финали доирасида Испания жамоасига йирик ҳисобда (0:3) имкониятни бой берди.
Шу тариқа, австрияликлар ўзлари йўлланма олган кетма-кет учинчи йирик турнирда плей-оффнинг илк раундидаёқ мусобақа билан хайрлашишмоқда. Ушбу нохуш серия Евро-2020да бошланган бўлиб, ўшанда Австрия 1/8 финал босқичида Италия терма жамоасига мағлуб бўлган эди.
Қатарда бўлиб ўтган Жаҳон чемпионатини Австрия ўтказиб юборди. Ушбу терма жамоа учун кейинги йирик мусобақа Евро-2024 бўлди ва у ерда ҳам австрияликлар 1/8 финалда Туркия терма жамоасидан мағлубиятга учраб, турнирни тарк этишди.
Қайд этиш лозимки, ЖЧ-2026 австрияликлар учун сўнгги 28 йил ичидаги биринчи Жаҳон чемпионати бўлди. Баҳсгача бўлган даврда Австрия терма жамоаси охирги марта 1998 йилги мундиалда иштирок этган эди.
