Туриннинг «Ювентус» клуби Жаҳон чемпионатида ўзини кўрсата олган футболчига қизиқиш билдираётгани ҳақида аввалроқ хабар берган эдик. Босниялик Тарик Мухаремович «Сассуоло» шарафини ҳимоя қилади ва Италия чемпионати билан жуда яхши таниш — Болқон ярим оролидан келган футболчилар учун бу турнир етарлича юқори даражада тўп суриш имконини берувчи ажойиб макон ҳисобланади.

«Ювентус» раҳбарияти футболчининг маҳоратига тўлиқ ишонч ҳосил қилгани ва уни сотиб олишга яқин келгани ҳақида таниқли италиялик журналист Николо Скира хабар бермоқда. Шу билан бирга, «Сассуоло» клуби ҳам бу трансфердан фойда олади — футболчи клубни эркин агент сифатида (текинга) тарк этса-да, «нероверди» (қора-яшиллар) унинг кейинги сотувидан тушадиган маблағнинг 50 фоизига эгалик қилади.