Португалия терма жамоаси бош мураббийи Роберто Мартинес ЖЧ-2026 1/8 финалидан ўрин олган Испанияга қарши учрашувдан нималар кутаётгани билан ўртоқлашди.
Португалияликлар 1/16 финалда Хорватия устидан иродали ғалабани илиб кетишган бўлса (2:1), сал аввалроқ испанлар Австрия терма жамоасини йирик ҳисобда мағлуб этишганди (3:0).
«Испанияга қарши ўйинда фаворит бўлмаслигимизни биламан, чунки илгари Жаҳон чемпионлигини қўлга киритган жамоалар руҳий устунликка эга бўлишади. Аммо мен охирги вақтлар ичида кўп нарсани ўрганганимизга ва анча кучлироқ бўлганимизга ишонаман», — деди Мартинес матбуот анжуманида.
Португалия ва Испания терма жамоалари ўртасидаги тўқнашув 6 июль куни бўлиб ўтади.
